一風堂 (希慎廣場) (Closed)

而家日本拉麵鋪頭開到周街都是，索價過百元的一碗拉麵如果冇試過就入去真係好容易中伏，相反地已進軍香港數年的一風堂絕對是穩陣地選擇，多年來試過唔同分店都發揮穩定。是日選擇了相對冇咁油膩的「特製雞醬油拉麵」（$92），配料方面有三片雞肉，兩片叉燒，半個溫泉蛋及配菜少許；檯面仲有菜圃、叉燒同diy蒜蓉自助無限添加，非常滿足。湯底亦不會太鹹，麵的軟硬度剛好。值得一提的是這裏的店員全部親切有禮，以連鎖店來講，服務算是非常好了。