Video
Read full review
2018-10-07
3580 views
蟹道野田喺上環的九如坊，門面只有一隻蟹的裝飾，充滿神秘感。店內的坐位不多，但由佈置用餐具都相當用心，而且店內整潔明亮，感覺就像置身於日本的餐廳之內。出咗Bonus個人就豪氣好多，餐牌都唔洗睇，直接交由廚師發辦。Order咗冇耐，廚師就捧咗成Tray海鮮黎，然後用日文夾雜日式的英語去介紹今天的時令食材，包括有皇帝蟹、毛蟹、龍蝦、喜之次和北寄貝。啲海鮮仲喺度郁下郁下，而未煮之前先給客人驗貨，給予客人信心，亦令我們非常期待，真正未出發先興奮。兩位廚師都係日本人，一路埋首做料理之餘，亦有細心留意客人的用餐進度，食完一碟先上另一碟，整個體驗真的非常之好。先上的是一系列的頭盤，有蟹肉海帶香菇、海膽、和牛、粟米、炸魚和鯖魚箱押壽司。款款都咁好味，當中令我印象深刻的是盛著蟹肉海帶香菇的那一杯冷盤，蟹的鮮味非常突出，作為開胃前菜真的很不錯。之後上菜的是刺身，我是頭一次吃活的北寄貝，肉質很爽甜，比熟的北寄貝好吃一千倍！毛蟹蟹腳，廚師已預先把殻剪開，方便食用，蟹肉刺身的質地有點黏口，滲出淡淡蟹肉的清香。鰹魚刺身沙律很有驚喜，醬汁酸酸甜甜的，配鰹魚刺身真係非常醒胃！而洋葱應該有輕輕焯過，味甜不會嗆喉。之後到燒
蟹道野田喺上環的九如坊，門面只有一隻蟹的裝飾，充滿神秘感。
店內的坐位不多，但由佈置用餐具都相當用心，而且店內整潔明亮，感覺就像置身於日本的餐廳之內。
出咗Bonus個人就豪氣好多，餐牌都唔洗睇，直接交由廚師發辦。
Order咗冇耐，廚師就捧咗成Tray海鮮黎，然後用日文夾雜日式的英語去介紹今天的時令食材，包括有皇帝蟹、毛蟹、龍蝦、喜之次和北寄貝。
啲海鮮仲喺度郁下郁下，而未煮之前先給客人驗貨，給予客人信心，亦令我們非常期待，真正未出發先興奮。
兩位廚師都係日本人，一路埋首做料理之餘，亦有細心留意客人的用餐進度，食完一碟先上另一碟，整個體驗真的非常之好。
先上的是一系列的頭盤，有蟹肉海帶香菇、海膽、和牛、粟米、炸魚和鯖魚箱押壽司。款款都咁好味，當中令我印象深刻的是盛著蟹肉海帶香菇的那一杯冷盤，蟹的鮮味非常突出，作為開胃前菜真的很不錯。
之後上菜的是刺身，我是頭一次吃活的北寄貝，肉質很爽甜，比熟的北寄貝好吃一千倍！毛蟹蟹腳，廚師已預先把殻剪開，方便食用，蟹肉刺身的質地有點黏口，滲出淡淡蟹肉的清香。
鰹魚刺身沙律很有驚喜，醬汁酸酸甜甜的，配鰹魚刺身真係非常醒胃！
而洋葱應該有輕輕焯過，味甜不會嗆喉。
之後到燒皇帝蟹，烤至微焦的外殻傳出陣陣炭烤海鮮的獨有香氣。而份量真係唔講得笑！
蟹腳部份已預先剪開，真正啖啖肉，無論點淨食、蟹醋或者青檸汁都一樣咁好食！
而店員亦會奉上蟹簽，方便吃蟹鉗和蟹身的位置。
炸物有龍蝦、小青椒、同埋茄子天婦羅，仲炸咗條龍蝦鬚同埋尾黎做裝飾添！店員上菜的時候，特別用心地把食物放在最方便客人食用的位置，無論食用角度或者拍照角度都係好正。
龍蝦天婦羅上的薄薄一浸炸粉脆口而且唔油膩，亦緊緊鎖住了龍蝦的肉汁！龍蝦肉質彈牙爽甜，鮮味十足，正到無朋友。
這個擺盤很誇張，神秘的面紗交由客人揭起。
是毛蟹的蟹肉和蟹膏，伴上一小𢸶海葡萄。蟹肉蟹膏煮熟之後再冷凍，蟹膏的濃厚味道和蟹肉的鮮味出晒黎！
下面是一個用冰雕而成的冰碗，以保持蟹肉蟹膏的冰涼口感，真的很有心思。
上菜前把燒好的喜之次加上蓋煙燻一會，喜之次的魚油加上了煙燻的香氣，味道非常獨特而且濃郁！魚肉亦十分肥美，魚味十分突出，而伴碟的粟米和炸蟹仔都一樣咁好食，真係不得了。
龍蝦麵豉湯，把剛才的龍蝦頭加進湯內，提升了整個麵豉湯的鮮味和香氣，個頭仲有少少肉食，真係物盡其用，用得其所！
蟹蓋蓋著大量的海膽！剩餘的蟹肉都在這小鍋的釜飯內。旁邊還有一大碗三文魚籽和葱花。
廚師會先詢間我們的喜好，而加入適量的葱花和三文魚籽，才為我們把飯伴好。唔洗講咁多，梗係叫廚師All-in啦！
伴好之後再加一點三文魚籽上面，就可以開餐喇！飯內有齊海膽、蟹肉和三文魚籽等新鮮食材，集鮮味和濃味於一身，味道非常濃厚的一碗，好味到唔識點形容！
鍋內還有飯的時候，廚師會把蟹蓋放在小鍋上作為識別，畫面很惹笑。
店員為我們清理枱面之後，換上新的毛巾和熱茶，代表這頓飯來到了尾聲，成餐飯食足兩粒鐘。
最後來的甜品也是一流的水準，蜜瓜很香甜，真係大滿足呀！
蟹道野田的食物水準和服務質數真係超一流，同喺日本食Omakase無分別！雖然每人要千幾蚊係有少少貴，不過可以慳返來回機票嘅錢，間中好好享受一下都唔錯丫。
Post
