Video
Read full review
2019-09-11
477 views
其實都少左食茶木好多，亦都好少寫差評，今次食左一個套餐，呢個餐本身$68+30蚊飯品沙律，又冇圖睇是但簡左個酸菜雞之類，黎到簡直o左嘴，賣相唔好之餘得個酸字，仲要好辣（平時都鐘意食辣野），啲雞又超勁鞋....同朋友一齊食嘅士多啤梨厚多士，同枱都話比以前係茶木食過嘅細左....味道都是不過不失，烤得唔夠，得層雪糕面搭夠...最嬲係服務差，我地9點半到，餐員同我地講10:45要離開，咁ok，last order時間過埋，我地發現有一杯水果茶落左單但未黎，個職員仲要質疑番我地係咪last order後先加單，我地指到明唔係以及係邊個職員幫我地落單。10:20分左右開始，職員就不停係我地身後行黎行去，10:30仲要企係到叉住條腰咁望實我地幾時走！10:45一到即刻叫我地走。講明先我地絕對冇打算阻人收工或者玩野，如果你地真係唔想人地10:45先走，點解仲要放人入黎？
今次食左一個套餐，呢個餐本身$68+30蚊飯品沙律，又冇圖睇是但簡左個酸菜雞之類，黎到簡直o左嘴，賣相唔好之餘得個酸字，仲要好辣（平時都鐘意食辣野），啲雞又超勁鞋....
同朋友一齊食嘅士多啤梨厚多士，同枱都話比以前係茶木食過嘅細左....味道都是不過不失，烤得唔夠，得層雪糕面搭夠...
最嬲係服務差，我地9點半到，餐員同我地講10:45要離開，咁ok，last order時間過埋，我地發現有一杯水果茶落左單但未黎，個職員仲要質疑番我地係咪last order後先加單，我地指到明唔係以及係邊個職員幫我地落單。
10:20分左右開始，職員就不停係我地身後行黎行去，10:30仲要企係到叉住條腰咁望實我地幾時走！10:45一到即刻叫我地走。講明先我地絕對冇打算阻人收工或者玩野，如果你地真係唔想人地10:45先走，點解仲要放人入黎？
Post
