龍門一番 上海·紫砂燉湯 (Closed)

好貼心一黎到就可以揀自己中意既茶，人人口味唔一樣都無問題!!我地一行5人試左好多野首先上菜既係醬燒茄子四季豆，一望落去好油令立立，不過茄子無油又唔好食，味道ok~跟住係蟹粉炒飯，蟹粉鋪滿左成個炒飯面，好香好入味。這個賣相好似雞咁既，其實係羊肉~配上3種醬汁(薄荷/乳豬燒汁(應該係)/腐乳)，別具特色。當然都好脆好香(幾羶下)，中意羊既唔好錯過。最有趣既係個小籠包，名副其實個籠比出面一大盤既小籠包細好多(大隔離個醬汁碟少少)，個包就fit哂落個籠到，最搞笑係俾支飲管你飲湯入面好多龍蝦肉，好似食佢一隻等於出面食左幾隻咁，不過因為佢要放咁多料，相對地個皮咁無咁簿喇~好大鍋京蔥爆樟茶鴨，個人麻麻地鴨無點食，朋友們都話有d over-cook...不過個底有d薯粉、番薯、酸菜咁幾豐富最後當然係甜品啦，叫左雷沙湯圓同豆沙鍋餅配雪糕，分別都唔錯，熱辣辣唔太甜~總結黎講水準都有番咁上下，味道偏咸、偏膩，上海菜都係咁...