聰嫂私房甜品 (Closed)

聰嫂真係由將軍澳一開就食，原來宜家開多左好多分店，淨係旺角都有兩間啊～今次食都係叫番招牌既鮮果冰系列！芒果椰果冰($45)食落唔係好甜，有新鮮芒果打出黎既味道，但唔算好濃郁。面頭芒果粒都幾多，只係成碗沙冰個人覺個略嫌有點寡，下次會想叫D芒果冰底加其他配料既甜品，比如豆腐花咁啦～另一個叫左士多啤梨椰果冰($42)呢個士多啤梨冰底粉紅色，極吸引啊～食落有少少奶味，酸酸甜甜好好味！但係呢個冰融得比較快，遲過芒果冰上枱但快融過佢(OK既，唔太大影響🤣🤣)。兩款都好食，但我個人鐘意士多啤梨椰果冰多D！