木子園 (Closed)

朋友介紹話The L place開咗間新川菜，鍾意食辣嘅我梗係唔放過啦！去到門口已經有個搶眼嘅打卡位，入到去環境唔錯，幾舒服。食嘢前去洗手間洗手，都好企理。首先上菜嘅係酸辣湯，酸度辣度適中，超級開胃。之後就係蘿蔔絲酥餅，侍應話係即叫即整，所以等左都有10分鐘，不過係值得既！好酥脆，而且入面足料！到我最期待嘅水煮魚，大大份，一啲都唔孤寒喎，辣椒炒得好香，每一塊魚片切得均勻，完全無骨。值得推薦!而咕嚕肉就不過不失，唔厚粉，用既係新鮮菠蘿食到最後就嗌咗炸雪糕，都幾大嚿，可以三個人分，算係幾抵食呢間會推介朋友，下次再黎試下片皮鴨。