忞屋

Open Now

Now Closed

我真係第一次嬲到要寫食評。經過迅達大廈見有人派傳單，諗住試下新野。點知一試就中伏。我地嗌左六個餐:炸雞芝士蛋丼無溫度無芝士味，炸雞無落調味咁。牛小排丼好彩有汁但都係唔熱。侍應送餐果陣仲可以指住話係漢堡扒飯🤔角切丼同吉列蝦丼不過不失，但絕對唔係好味。最精彩係炸豬扒丼同漢堡扒丼，其他枱遲來都有得食，但我兩位同事等左一個鐘都無得食。叫左侍應跟單四五次都未有，淨係識得講「唔好意思」同埋「今日有d忙，d單亂左」。最後終於上左一個漢堡扒丼，但個心竟然仲係凍嘅… 我地叫佢cancel左兩個丼，然後就埋單走人。餐廳忙所以要等耐d可以理解，但叫左跟單都仲可以咁嘅服務唔可以接受。如果operation未ready，建議soft opening試下水溫先。