Video
Read full review
2019-05-18
435 views
今日第二次食，未試過食野食到咁嬲😡懶人包喺最底總結講下第一次食先，我之前係食炸雞翼乾撈米線，上枱嗰陣覺得個乾撈米線好怪🤧，用汁撈嘅，同想像中好唔同，但都算大份同味道可以嘅，絕對稱唔上好食。不過見最近返工嚟開呢頭，而且唔熟周圍，所以今日決定再試🤐今日喺呢間餐廳食野嘅體驗真係冇得頂，從未試過食得咁嬲😑我大約12：55到餐廳啦，坐低睇左陣就13：01落左單，要炸雞扒時菜麻辣米線，之後就等野食到😀點知到13：15未到已經發現瀨野，周圍嘅人啲野食都嚟齊左，得我同其他差唔多時間叫野食嘅人未有野食，咁我就催下佢，之後佢就拎走左我張單去睇啦，話幫我快手少少整，但佢又唔俾返張單我😕點知13：20都未有起色，繼續出其他遲嚟嘅客嘅單，完全無視我，我就再催下，因為佢拎左我張單去催又唔俾返我，而且佢又唔知係咪失憶，就拎左我隔離嗰位大約13：05叫野食嘅女士張單去催，之後拎返嚟嗰陣，我隔離位女士就話張單係佢嘅，個侍應先發現我冇單，以為我未叫，我心諗真係失憶架咼🙄不過嗰陣諗住算啦佢可能忙，咪再催下就算，佢又問我叫左咩嚟食，講完佢就話炸野要耐啲，已經整緊😩咁到左13：25左右，我都有啲趕，而且佢又剩係出其他客嘅單，咁
講下第一次食先，我之前係食炸雞翼乾撈米線，上枱嗰陣覺得個乾撈米線好怪🤧，用汁撈嘅，同想像中好唔同，但都算大份同味道可以嘅，絕對稱唔上好食。不過見最近返工嚟開呢頭，而且唔熟周圍，所以今日決定再試🤐
今日喺呢間餐廳食野嘅體驗真係冇得頂，從未試過食得咁嬲😑我大約12：55到餐廳啦，坐低睇左陣就13：01落左單，要炸雞扒時菜麻辣米線，之後就等野食到😀點知到13：15未到已經發現瀨野，周圍嘅人啲野食都嚟齊左，得我同其他差唔多時間叫野食嘅人未有野食，咁我就催下佢，之後佢就拎走左我張單去睇啦，話幫我快手少少整，但佢又唔俾返張單我😕點知13：20都未有起色，繼續出其他遲嚟嘅客嘅單，完全無視我，我就再催下，因為佢拎左我張單去催又唔俾返我，而且佢又唔知係咪失憶，就拎左我隔離嗰位大約13：05叫野食嘅女士張單去催，之後拎返嚟嗰陣，我隔離位女士就話張單係佢嘅，個侍應先發現我冇單，以為我未叫，我心諗真係失憶架咼🙄不過嗰陣諗住算啦佢可能忙，咪再催下就算，佢又問我叫左咩嚟食，講完佢就話炸野要耐啲，已經整緊😩咁到左13：25左右，我都有啲趕，而且佢又剩係出其他客嘅單，咁我咪再催佢，同佢講未整嘅話我就唔食，因為我都要返工，佢又話整緊啦🤨之後13：28左右有3個小朋友同1個老人家入嚟，應該同侍應係一家人，小朋友不停叫侍應，叫媽咪快啲落單，又不停大聲談話☹之後13：30，隔離個女士終於有得食，佢都冷笑呢間野服務態度差🤗咁見時間緊迫，我返工又唔可以遲到，所以我同佢講取消成張單，我唔食啦，佢又話就快搞掂，衰心軟就留低等多陣😞13：33左右連嗰3個小朋友都有得食，佢地又係咁叫侍應，話媽咪我杯水果茶得未呀，非常嘈吵🙃13：35終於有米線食，不過得菜未有雞扒，而且冇整到麻辣，但我好趕時間，快速同佢講我唔要麻辣減返我2蚊，而且我杯野飲未到，我就同佢講取消，因為我飲唔切，但佢就好似冇聽到咁，問我飲咩，我再講唔要杯野飲，佢又問飲咩，會即沖俾我，但我真係飲唔切，所以繼續say no，佢就繼續迫我要，然後經過幾次，佢成功了，因為我冇時間同佢嘈要唔要野飲，唯有硬食🙄個炸雞扒到我食完前少少先到，因為佢一直俾炸豬扒我，但我都唔係要炸豬扒，佢地好似失憶咁，問左我至少8次食乜，送錯左至少5次炸豬扒，而佢俾我碟炸雞扒根本就係炸雞皮，冇肉可以食，得一大堆油☺最後我火速13：44左右食完去門口埋單，已經有一個女士等左陣，我就大叫埋單，先有人嚟招呼我地，因為佢整唔見我張單，所以連食左幾錢都要我自己計埋😟
總結
呢間野有好多問題
1.漏單
2.上菜慢
3.侍應服務態度差
4.食物質素差
5.侍應先服侍自己屋企人
6.環境嘈雜
7.經常送錯食物
問題未能盡錄，詳細可以睇返上面我嘅經歷😔
Post