Video
Read full review
2021-12-04
963 views
今日下午3點行過，見湖南菜幾特別，一於食個快飯試試佢。餐廳喺閣樓，行上樓梯時沿路擺滿毛像，大概因為毛係湖南代表人物。上到上面，有個中年女伙記行出嚟，以為佢嚟帶位，點知係同個客打牙骹，講埋啲無謂嘢講到唔停口，我就戇居居棟咗喺度，又即管睇吓你打到幾時先醒水。成半分鐘之後佢終於留意到我，問我咩事。咩事？上嚟踢館咩唔通。我問佢係咪開門，回串番佢等我好過啲。之後佢叫我坐一張全個樓面最差嘅枱，明明大把枱，成間餐廳得兩三枱客，使唔使咁？當下我自己揀另一張，問佢得唔得又話得。原來佢慣咗手勢，之後有兩枱客上嚟佢都係先質人坐嗰張枱，有一對客轉枱，佢又俾，另一枱就範，佢就當贏咗。我坐低之後佢繼續打牙骹，打完一個又一個，完全忘記咗我存在。我又即管睇吓你幾時醒水。過咗15分鐘，佢先問我落咗單未。成間嘢得佢一個伙記，有冇落單都唔知？其實我懷疑佢係事頭婆，就算唔係都應該係主管，咁冇誠意嘅老細都唔慌做得長。到佢拎飯嚟我問佢係咪有湯，因為餐牌寫住有湯有嘢飲，佢話咁晏冇晒啦，吓？咁你又唔早講？算。佢賣晒嘈都無謂，佢都變唔到出嚟。咁我問嘢飲呢？佢先叫我自己去雪櫃攞罐裝飲品。咁如果我唔問係咪就慳番？我叫咗個紅燒肉，幸好味道都
餐廳喺閣樓，行上樓梯時沿路擺滿毛像，大概因為毛係湖南代表人物。上到上面，有個中年女伙記行出嚟，以為佢嚟帶位，點知係同個客打牙骹，講埋啲無謂嘢講到唔停口，我就戇居居棟咗喺度，又即管睇吓你打到幾時先醒水。
成半分鐘之後佢終於留意到我，問我咩事。咩事？上嚟踢館咩唔通。我問佢係咪開門，回串番佢等我好過啲。之後佢叫我坐一張全個樓面最差嘅枱，明明大把枱，成間餐廳得兩三枱客，使唔使咁？當下我自己揀另一張，問佢得唔得又話得。原來佢慣咗手勢，之後有兩枱客上嚟佢都係先質人坐嗰張枱，有一對客轉枱，佢又俾，另一枱就範，佢就當贏咗。
我坐低之後佢繼續打牙骹，打完一個又一個，完全忘記咗我存在。我又即管睇吓你幾時醒水。過咗15分鐘，佢先問我落咗單未。成間嘢得佢一個伙記，有冇落單都唔知？其實我懷疑佢係事頭婆，就算唔係都應該係主管，咁冇誠意嘅老細都唔慌做得長。
到佢拎飯嚟我問佢係咪有湯，因為餐牌寫住有湯有嘢飲，佢話咁晏冇晒啦，吓？咁你又唔早講？算。佢賣晒嘈都無謂，佢都變唔到出嚟。咁我問嘢飲呢？佢先叫我自己去雪櫃攞罐裝飲品。咁如果我唔問係咪就慳番？
我叫咗個紅燒肉，幸好味道都唔錯。
埋單$48，茶餐廳價錢，不過雖然係平飯，但要睇人面口，食完都背脊骨落，咪再搞我。
Post
