盛記盆菜&盛記麵家

Open Now

Now Closed

黎得沙田打邊爐，梗係要黎盛記!點解要揀盛記!?因為食物夠新鮮，而我每次黎必定會點響鈴，切牛肉，手打丸同炸魚皮!響鈴好大卷而唔油膩!手切牛肉唔係凍鮮肉，而係食得出係新鮮，好有牛味。手打丸爽口彈牙，好好食。而炸魚皮一般出面食到一係唔脆或太厚粉，甚至有d過咸，而呢到既就完全無上面既問題!，所以黎到必定叫呢4寶!至於其他食物都好好食，牛栢葉唔係街市或者小食檔個種經過漂白變得白白個種，呢到係黑栢葉，證明真係新鮮無加工，而海鮮方面，呢到既生蠔好大隻，煮完都唔會縮好多水，蝦又大隻又爽口!其實講真食物無咩嘢係差!全部都好食!湯底方面可選擇兩種或單樣都可以，都係真材實料湯底!寫寫下又想去食!