Video
Read full review
2008-05-04
6 views
話說上次和JKY來到旺角逛時想吃壽司，初試峰壽司失望而回，今次唔信邪再試，諗住有咁多好評就點都有少少實力，點知.....唉，我都唔想咁，不過，永別了，峰壽司!!!! 我們餓著肚子來，速速點了幾碟壽司。*我地點的都是較相宜的壽司*三文魚壽司- 講真，入口無味無口感，條魚究竟死左幾耐？雖然三文魚係平野，但係作為一間壽司店，連三文魚都搞到咁，叫人點咁試貴野？仲有，食壽司係想食鮮味，峰壽司放一大堆洋荵絲係D魚生上面究竟有咩用意呢？洋荵陣味咁出，睇怕都唔係用來襯托魚的鮮味吧甜蝦壽司- 賣相好唔ok，入口麻麻，元祿外賣唔太好食都好過佢，應該係話，仲樣衰過百佳果D鮮墨魚壽司- 哇咩事呀，賣相我唔理你，但係點解可以食到入面D軟骨？!仲要韌到咬唔到， 補COLLAGEN咩依家 又唔係好食，唉，服左你章紅魚壽司 - 係九洲/北海道果塊餐牌上面，賣相唔錯，不過一入口呢.....令我不禁問道，條魚死得耐到連connective tissues 都無咁d？=_= 塊魚雖然都算厚，但係咬落散散地，無口感，有d似....都唔識講lu，不過味道好過上面兩樣。魷魚壽司 - 對唔住，咬落去果下我完全辨認唔到呢塊係咩!
我們餓著肚子來，速速點了幾碟壽司。
*我地點的都是較相宜的壽司*
三文魚壽司- 講真，入口無味無口感，條魚究竟死左幾耐？雖然三文魚係平野，但係作為一間壽司店，連三文魚都搞到咁，叫人點咁試貴野？仲有，食壽司係想食鮮味，峰壽司放一大堆洋荵絲係D魚生上面究竟有咩用意呢？洋荵陣味咁出，睇怕都唔係用來襯托魚的鮮味吧
甜蝦壽司- 賣相好唔ok，入口麻麻，元祿外賣唔太好食都好過佢，應該係話，仲樣衰過百佳果D
鮮墨魚壽司- 哇咩事呀，賣相我唔理你，但係點解可以食到入面D軟骨？!仲要韌到咬唔到， 補COLLAGEN咩依家 又唔係好食，唉，服左你
章紅魚壽司 - 係九洲/北海道果塊餐牌上面，賣相唔錯，不過一入口呢.....令我不禁問道，條魚死得耐到連connective tissues 都無咁d？=_= 塊魚雖然都算厚，但係咬落散散地，無口感，有d似....都唔識講lu，不過味道好過上面兩樣。
魷魚壽司 - 對唔住，咬落去果下我完全辨認唔到呢塊係咩! 無味，又韌
旬池魚壽司 -味道來說，這是我們今晚吃到的比較香口的，(因為都相應而貴少少)，鹹鹹地乾乾地，不過，多骨到 (碎骨)，救命 =_=
食物整體表現令人失望，一次比一次差。唔係失望因為太有期望，而係，不折不扣的唔好。當然，你可以話鬼叫我地食埋D平野，不過我地就覺得，如果真係好，俾貴D就無所謂啦。如果平少少的品種 (其實唔平過出面) 就做差D，咁不如串串地唔好放上餐牌啦。誠意，實在不足。
另外，我覺得大家可以思考一下的是，在其他壽司舖很少吃到醃鹹/加大味伴碟(如洋蔥)的壽司，唯獨峰壽司將魚生調了味。無疑這樣某程度上可令壽司吃上來香口點，符合港人口味，但須要將原本SELL鮮味的魚生調味，但壽司口感又一般，那其實峰壽司的魚生是否不夠新鮮呢? 認為峰壽司好吃的，是否因為旺角實在沒好日本料理吃 ？
*
服務方面，感覺麻麻，因為D人態度都麻麻，(但係好似我地一影相同抄低D野時佢地就成日望過來，浸茶都密左，"識 DO"喎 =_=)。仲有，拜托，侍應們D日文真係好難聽，不如你地唔好嗌啦，搞到無晒FEEL，TOO BAD。
*
食到無癮，埋單去食燒餅皇同章魚丸。
永別了，峰壽司。請我都唔再黎。
*
各位前輩，其實旺角有無D真正OK的日本料理？
Post
