Video
Read full review
2017-03-04
330 views
相信大多數人都唔會對永年士多感到陌生，以車仔麵馳名，晌元朗已經有多年歷史，直至近年重新裝修，昔日街坊式食店變得更光鮮企理。雖然同棺材舖為鄰，亦已經過咗午餐時間，但店外仍有人龍，可見人氣非常厲害。入口收銀處上方有塊電子顯示屏，可以一邊排隊一邊諗食乜。晌收銀處叫咗嘢食同晌取餐處拎咗嘢食之後，就可以自己搵位坐。入面嘅環境整潔，其中一面牆上仲掛咗舊日嘅招牌。落地玻璃窗嗰邊係一列高身吧檯，可以邊食邊望街。我試咗淨餸，分別係豬腸、豬紅、雞翼、冬菇、蘿蔔同菜心，辣度就揀咗小辣。豬腸軟腍冇腥味，豬紅嫩滑爽口，雞翼煮得雞骨同雞肉輕易分離，冬菇香而有咬口，蘿蔔甜香冇渣，菜心翠綠脆身，食物本身都已經有調味，唔係白烚煮熟再拼埋一齊。小辣辣度適中，當中夾雜住香料味，湯底飲起嚟惹味，不過就有少少令人口乾。早有預備咁叫咗杯紅豆奶茶冰試試，紅豆同奶茶嘅比例接近一半半。冰塊打得細碎，紅豆煮到軟身起沙，質感濃稠，奶茶嘅茶味同奶味平均，甜味啱啱好，拎嚟解渴都唔錯。
相信大多數人都唔會對永年士多感到陌生，以車仔麵馳名，
晌元朗已經有多年歷史，
直至近年重新裝修，
昔日街坊式食店變得更光鮮企理。
雖然同棺材舖為鄰，
亦已經過咗午餐時間，
但店外仍有人龍，
可見人氣非常厲害。
入口收銀處上方有塊電子顯示屏，可以一邊排隊一邊諗食乜。
晌收銀處叫咗嘢食同晌取餐處拎咗嘢食之後，就可以自己搵位坐。
入面嘅環境整潔，其中一面牆上仲掛咗舊日嘅招牌。
落地玻璃窗嗰邊係一列高身吧檯，
可以邊食邊望街。
我試咗淨餸，分別係豬腸、豬紅、雞翼、冬菇、蘿蔔同菜心，
辣度就揀咗小辣。
豬腸軟腍冇腥味，豬紅嫩滑爽口，
雞翼煮得雞骨同雞肉輕易分離，
冬菇香而有咬口，
蘿蔔甜香冇渣，
菜心翠綠脆身，
食物本身都已經有調味，
唔係白烚煮熟再拼埋一齊。
小辣辣度適中，
當中夾雜住香料味，
湯底飲起嚟惹味，
不過就有少少令人口乾。
紅豆奶茶冰
39 views
0 likes
0 comments
紅豆同奶茶嘅比例接近一半半。
紅豆奶茶冰
21 views
0 likes
0 comments
紅豆煮到軟身起沙，
質感濃稠，
奶茶嘅茶味同奶味平均，
甜味啱啱好，
拎嚟解渴都唔錯。
Post
