堅信號上海生煎皇 (新都城中心二期) (Closed)

堅信號喺寶琳開左幾個月，見佢成日都有人排隊，成日都好想試，可惜希望越大失望越大。我地今次係叫外賣，唔夠熱就預左，但估唔到咁差。我地點左兩樣野，第一款係糖醋排骨菜飯，菜飯正常，但可能因為個汁唔夠味好淡，舊骨炆完裡面都唔入味，質素超普通，食完唔會想再食。第二樣係外婆紅燒肉拉麵，腩肉唔入味唔夠林，個麵真係差到無人有，個麵質一d都唔彈牙，比起一般即食麵仲差好多，完全唔似拉麵。最初麵諗過外賣拉麵所以d麵無咁好食，但後尾試過其他外賣拉麵就知佢有幾差。