So.High Coffee Bar (Closed)

本身唔係寫食評嘅人，未試過咁差服務態度，真係忍唔住要寫個勸世文。老實講，咖啡店真係冇得點要求服務，但過門都係客，我有比錢買，好聲好氣問條唔知係唔係經理嘅金毛仔，十問九唔應，你有野做可以講聲等等，完全冇反應，企係個收銀成五分鐘都冇個mean睇下，都算，叫杯野可能難整啲，大哥你唔使西面掛？唔想整就唔好on menu囉係咪？好似有客嚟幫襯係阻住佢咁，咁你唔好開門做生意咪冇人煩囉，後面仲望住佢沖咖啡沖到發脾氣，未見過打奶泡可以打到差啲飛去客度，唔想做點解唔辭職？我做客使錢唔好話好好服務，都唔係話要睇你面色掛？問多句野飲得未，粒聲唔岀係度睥，大佬其實一句得/未得就搞掂，點解要客估，離矖大譜，有眼疾就睇醫生啦，最後比杯咖啡比到極度晦氣，個下真係坐都唔想坐多一秒，體驗極差，服務態度完全唔配收呢個價錢，永無下次！！Terrible service experience, will never come back!