Billow Bar Seafood Bistro (Closed)

訂咗好耐枱，今日夜晚終於嚟到一試呢間餐廳，首先一到餐廳，明明見到餐廳有好多枱，都要企咗好耐先至安排到位置，終於安排咗我哋坐低就同我哋講成個餐牌冇得叫只可以嗌四樣嘢，我真係好突然，咁大間同咁大規模嘅餐廳只可以叫四樣嘢？！ 我真係大開眼界，仲要間餐廳根本唔係好多人， 7:00就同我講得返四樣嘢嗌，點解你唔一早通知啲客人！？我老遠入到黎你哋依個餐廳，就係想試吓你哋啲嘢食，落咗單成個鐘都未有嘢食，淨係嚟咗個頭盤，我同我女朋友由好肚餓已經等到唔肚餓，成晚都唔知自己坐喺度做乜，成晚感覺，好似坐咗係一間茶餐廳，只係見到好多客人極度不滿，連我隔離嗰台客人，都話以後唔會再嚟，我女朋友都發晒脾氣問我咁遠來嚟到呢間餐廳，今晚係諗住慶祝周年紀念，真係好難忘囉，打死都唔會再嚟呢度食！ 咁樣嘅食物質素，加上咁樣嘅安排同服務，仲要比咁嘅價錢，今次嘅經驗真係點都唔會再返嚟呢間餐廳食嘢！