大瀛喜日本料理 (Closed)

旺角抵食嘅日本放題收工嗰陣朋友想食日本放題，我就推介大瀛喜，因為之前食過一次，款式多又抵食，決定再返去幫襯，果然冇令我失望🥰手卷方面，有得揀海膽，吞拿魚蓉，三文魚腩，蟹柳，我就食咗海膽同吞拿魚蓉，海膽個份量叫多，啲飯唔算大，細細舊又唔會太飽😝魚生方面，有三文魚，吞拿魚，油甘魚，帶子熟蝦、甜蝦，全部都好新鮮，但係唔會太大舊，鍾意食魚生嘅朋友可能要叫多幾次😊壽司方面就分咗火炙壽司，同埋普通壽司，兩款壽司嘅款式都有好多，特別推薦大家食燒和牛壽司，呢款壽司喺其他日本放題都唔會食到，一定要試🥳熟食方面，我會推介大家食炒牛柳粒 羊架同炸蠔，牛柳粒好林，上面啲蒜片好脆，燒羊架啲肉汁好Juicy，炸生蠔唔腥，鵝肝多士特別，但就唔係咁推介大家食🫡除咗掃QR code落order，出面仲有自助飲品區甜品區同熟食區，每個區嘅選擇種類有好多，肯定有嘢啱大家食，最特別嘅係有部軟雪糕機，我自己都食咗幾杯😋