椰林越南菜館 (Closed)

晚飯時間都餓了，經過唔想再周圍去搵野食，就入去了。入到去坐底禁下電話先知呢間野勁多負評，死就死啦。叻沙海鮮湯河+鳳爪我係幾鐘意食叻沙既人，呢個叻沙係我食過最難食！睇返d食評，原來都有人講過呢個係最難食既叻沙🤢好水既湯底，一d都唔合格，加上一睇就知色素整既極紅蟹柳，河粉都好難食🤢，另外鳳爪味道無問題，但唔知點解可以甘水，唔知係味浸太耐好淋身，吃完成碟都係水。越式炒貴刁夠晒火候👍🏻炒得好好，份量夠，味道帶一點唔濃郁既星洲味，相對來講泰式會更好食，不過最大嘅弊病就係啲蝦！啲蝦真係變壞左！食落又酸又縮又臭，基本上我極少食完落口會吐返出嚟，但呢隻蝦真係令我成個口都臭晒🤢🤢亞答子冰亞答子幾好食，但呢杯野真係極級難飲，同咳藥水一模一樣味！飲完一啖全身打冷震。😭🤦🏻‍♀️椰汁西米冰D西米唔係粒粒分明，但味道正常，都飲得哂。