Video
Read full review
2021-04-24
2590 views
今日約咗人去荃灣睇戲 睇戲前搵啲嘢醫下肚 喺戲院附近搵到呢間Chef‘s Stage Kitchen 佢有三間分店 呢間分店仲要係最多😋嘅 所以就決定試吓佢啦。因為買咗舊芝士嘅關係 入去果時膽粗粗問吓個Staff可唔可以幫忙雪住先 佢二話不說就應承左 跟住攞餐牌嚟嗰個Staff仲特登提我地 千祈唔好唔記得攞呀 唔係就要聽日特登返嚟攞架啦 超nice！初初仲怕佢嫌我地麻煩😆見到餐牌 乜都想試 最後嗌左個法式生牛肉他他伴鵪鶉蛋及法式多士 炭燒日本豬腩伴牛肝菌汁 蒜香白酒煮紐西蘭海鑽蜆扁意粉同埋兩杯好得意嘅嘢飲冰轉鴛鴦同冰磚偽鴛鴦個法式生牛肉他他真係唔係度度敢食 不過見佢間餐廳企企理理 個經理(我話佢係佢就係啦😂) 又好似對每樣嘢都跟得好貼咁 所以決定trytry 一黎到果時見到個面有啲蔥花 個心窒一窒 但係算啦 都撈埋左咯 唯有照食啦見佢唔係平時見開果啲蔥嘅樣 係幼啲細粒啲嘅 食落有驚喜 牛肉非常新鮮 鵪鶉蛋生熟剛好撈埋落啲牛肉度味道一流多士十分鬆化 留意返💁🏻♀️ 佢唔係硬 唔係脆！係鬆。化！另外個炭燒日本豬腩 係真係有炭燒嘅香味 配合網紋賣相 食得睇得 燒完之後仲唔會乾到柴皮咁 仍然k
因為買咗舊芝士嘅關係 入去果時膽粗粗問吓個Staff可唔可以幫忙雪住先 佢二話不說就應承左 跟住攞餐牌嚟嗰個Staff仲特登提我地 千祈唔好唔記得攞呀 唔係就要聽日特登返嚟攞架啦 超nice！初初仲怕佢嫌我地麻煩😆
見到餐牌 乜都想試 最後嗌左個法式生牛肉他他伴鵪鶉蛋及法式多士 炭燒日本豬腩伴牛肝菌汁 蒜香白酒煮紐西蘭海鑽蜆扁意粉同埋兩杯好得意嘅嘢飲冰轉鴛鴦同冰磚偽鴛鴦
個法式生牛肉他他真係唔係度度敢食 不過見佢間餐廳企企理理 個經理(我話佢係佢就係啦😂) 又好似對每樣嘢都跟得好貼咁 所以決定trytry 一黎到果時見到個面有啲蔥花 個心窒一窒 但係算啦 都撈埋左咯 唯有照食啦見佢唔係平時見開果啲蔥嘅樣 係幼啲細粒啲嘅 食落有驚喜 牛肉非常新鮮 鵪鶉蛋生熟剛好撈埋落啲牛肉度味道一流多士十分鬆化 留意返💁🏻♀️ 佢唔係硬 唔係脆！係鬆。化！
另外個炭燒日本豬腩 係真係有炭燒嘅香味 配合網紋賣相 食得睇得 燒完之後仲唔會乾到柴皮咁 仍然keep到非常juicy💦💦💦。
仲有個海鑽蜆扁意粉, 佢感覺似用辣椒蒜蓉炒過 令到成件事非常香口 唔似一般西餐廳 食到嘅扁意粉咁 好多醬汁cover住反而食到好香嘅蒜蓉辣椒味而個海鑽蜆入口完全無沙 啱啱好離殼 食落唔會好韌 仲係好juicy 好鮮味。
另外佢仲有杯好得意嘅嘢飲叫冰磚鴛鴦同冰磚偽鴛鴦 我地決定嗌哂兩杯黎試
原來鴛鴦即係奶茶 再加左啲expresso嘅冰磚 所以當啲冰磚溶咗就會變咗一杯鴛鴦 當粒冰磚慢慢溶 令到你每一啖個味道都會有所不同 而佢個面嘅奶泡因為溝左冰磚嘅expresso 令佢變左cappuccino嘅奶泡 真真正正嘅一次過滿足晒三個願望😂 而偽鴛鴦就係將佢個奶茶底變咗做朱古力 所以飲飲吓就會變咗杯mocha😋, 兩杯同樣出色。
本身諗住睇戲前求其食啲嘢 結果出到嚟一啲都唔求其 大滿足！
Post
