囍雲軒 (奧海城二期)

Open Now

Now Closed

阿媽突然抽起條筋話想約細佬食飯，唯有揀近佢住嘅地方，於是就鎖定奧海城，因為媽咪指定話要食中菜，但又唔想食金滿庭，見以前利寶閣個位開咗間新中菜，上網Search過佢哋集團做開婚宴，應該唔會太差，所以就膽粗粗訂枱試吓。本身睇相見佢有4人梳化位好似幾靚，點知去到都係被安排坐中間嗰啲6人枱，嘢食味道一般，算做合格，但同好味仲有段距離，反而個南瓜盅有驚喜，啲蛋白幾滑，可惜係甜嘅，如果係鹹食會更正。我哋嗌咗上湯焗龍蝦，本身想要隻大約斤半重嘅，但佢話冇重量揀，全部一個size。因為我鍾意食魚，就揀咗條東星斑，另外嗌咗扇貝同柚子骨，佢哋最大嘅問題係豉油太鹹，嘥咗啲扇貝同條魚，就算用嚟餸飯都仍然覺得偏鹹。