吉豚屋吉列豬扒專門店

Open Now

Now Closed

今日同男朋友係旺角諗唔到食咩，行過見到呢間吉豬店，之前都係其他地方食過，記得都ok既就入去食啦。好過食茶記咁悶😌我叫左個經典既吉列豬扒定食，比想像中大份黎到先記得有椰菜可以落芝麻醬食，都幾好可以換下口味唔洗咁齋。吉列豬扒就so far so good啦，而呢個價錢黎講我覺得交左功課，係岩岩炸起，脆口👍🏻值得讚下個味僧湯，好足料👍🏻又唔係死咸，飲左都唔口渴，係我鍾意飲既味僧湯男朋友就叫左吉列三重奏，有吉列豬柳、吉列蝦同唐揚炸雞🍗我稱之為貪心小狗套餐😂咩都有啲不過佢碟野就唔係岩岩炸起，只係少少熱。炸雞相對黎講都幾好食，我鍾意個皮硬硬地有少少咸香口，幾惹味😆求其食黎講呢間都幾ok，下次無特別諗到想食咩，都可以再食下。