居食屋「和民」 (Closed)

連日落了大雨，心情與天氣一樣不佳，連搵食也沒有心情，隨便落樓下和民解決。軟殼蟹沙律-軟殼蟹脆漿唔厚，炸得卜卜聲很清脆，配了清新的沙律菜，減去了油膩感；平時很怕很多白色沙律醬的沙律，今次有兩大pat的白色沙律，竟然好好食，差點不停的食清。鰻魚天婦羅卷-天婦羅炸得很香脆，不過壽司飯就極難食，腍pat pat。盛岡冷麵-配上泡菜、紫菜、蛋等，半透明的麵身爽口有嚼勁，再加少許白醋，更加帶出味道。可惜不夠冰凍，做不到消暑效果。甜品當然不可缺，而且和民的甜品很抵食，先叫黑芝麻雪榚豆腐布甸及紅豆綠茶雙球雪榚，份量實在太細，唔夠喉，再叫朱古力紅豆雙球雪榚。原來和民的朱古力雪榚好好食，除了夠濃味外，還灑了朱古力粉，有種食truffles感覺。黑芝麻雪榚豆腐布甸的芝麻味當相濃，令到豆腐雪榚及綠茶蛋糕味道不夠突出。食完三個甜品後，心情立即露了點點陽光。