日喜樓 (Closed)

Wohoo.我哋孖寶最愛嘅星期五終於嚟到喇！習慣性地星期五晚都想盡量留俾對方，搵間好餐廳慰勞辛勤咗一個禮拜嘅自己😈 今晚就專程過海試新野😻發現呢排多咗餐廳用iPad去show餐牌，響應環保♻️ 抵讚！酸菜斑片，嫩滑的魚片，去骨後切成薄片，酸菜鹹度適中，除左魚塊非常好食，湯底亦十分美味，加入菇菌、寬粉爽韌彈牙，一齊食更加滋味。爆汁生煎包，皮薄底脆，湯汁唔會太油膩，令人越食越上癮。雖然店員已經好窩心咁預先提醒我哋要小心爆汁燙到口，但心急嘅我....到家下都仲有d痛😂😂不過咁好味，我下次都係會食嘅🤣 意外地發現餐廳竟然有香酥鴨食，而且人少少仲可以叫半隻添👻 因為聽人講香酥鴨係一道功夫菜。咁我地孖寶又點可以錯過呢😋 果然冇令我地失望，外層脆口酥香，內裏肉質幼嫩，而且鴨香四溢，正呀👊🏻賽螃蟹又係另一門功夫菜！成日聽人講其實只係蛋白模仿蟹肉，咁你就錯喇🤨日喜樓竟然用上真嘅蟹肉伴以蛋白煮成呢一道賽螃蟹🦀️，蛋白炒得滑溜，啖啖鮮味，真係好有誠意！本來仲心大心細叫唔叫呢道菜好😌孜然同羊肉可謂完美配搭，因為孜然粉可以去除羶味，辣得過癮😹今晚呢一餐簡直就好似味遊中國咁，食暈晒中國最出名嘅幾道名菜！以後放假仲駛乜