Burgeroom (Moved) New Location

生活中成日食美式快餐但一般都係求快，唔會太講究食物質素。但喺Burger room就可以享用一餐比較優質嘅美國餐，當價錢亦會相對較高。芝士薯條嘅芝士味好香濃，送上枱嘅時候仲熱到出煙！而且薯條本身亦好香脆，絕對值得食。之後係主角鵝肝漢堡，包嘅份量十足，胃口唔算特別大嘅人一定夠食！大大啖成個包咬就發現鵝肝嘅味道唔夠其他配料出位，只有少少淡香。如果為鵝肝而食可能有少少失望，但如果為食漢堡包而食絕對係高分之選。