Video
Read full review
2023-03-08
1274 views
大隻仔今次覓食嘅店舖就係💥 江南味 💥 大隻仔喺OpenRice見呢間餐廳0負評已經想食好耐，上次嚟餐廳休息，今日睇完戲專登過嚟食晚飯。不負所望，餐廳價錢平，質素高，尤其是蘿蔔絲酥餅超高水準，值得推介。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 特色豬扒肉燥飯+豆漿 $55炸豬扒有少少肥膏，肉唔死實，炸漿夠薄身，炸出嚟嘅豬扒外脆內軟，而且豬扒夠入味，至少用調味醃過一日。如果要挑剔嘅話，就係逼油功夫一般，炸豬扒有少少油膩。肉燥菜飯味道好好，撈飯一流。豆漿偏甜，唔太夠冰凍。🔥 江南鎮江排骨菜飯+豆漿 $50鎮江排骨冇雪味，肉夠腍，紅燒汁夠多，甜甜地，好好味，撈飯一流。😋😋🔥 +2件 江南春卷 $10一條長春卷切開2件，炸春卷皮好脆但比較油膩，逼油功夫麻麻地。春卷餡內蔬菜夠新鮮。🔥 +4件 上海小籠包 $25小籠包賣相精緻，用上四方木蒸盒裝住。外皮超級薄但比較乾身，薄到可以見到入面湯汁，係高質嘅小籠包。要挑剔嘅地方係雖然小籠包餡料調味好好但
大隻仔今次覓食嘅店舖就係
💥 江南味 💥
大隻仔喺OpenRice見呢間餐廳0負評已經想食好耐，上次嚟餐廳休息，今日睇完戲專登過嚟食晚飯。
不負所望，餐廳價錢平，質素高，尤其是蘿蔔絲酥餅超高水準，值得推介。👍👍
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
江南味
22 views
0 likes
0 comments
🔥 特色豬扒肉燥飯+豆漿 $55
炸豬扒有少少肥膏，肉唔死實，炸漿夠薄身，炸出嚟嘅豬扒外脆內軟，而且豬扒夠入味，至少用調味醃過一日。如果要挑剔嘅話，就係逼油功夫一般，炸豬扒有少少油膩。
肉燥菜飯味道好好，撈飯一流。
豆漿偏甜，唔太夠冰凍。
特色豬扒肉燥飯+豆漿
$55
14 views
0 likes
0 comments
豆漿
34 views
0 likes
0 comments
🔥 江南鎮江排骨菜飯+豆漿 $50
鎮江排骨冇雪味，肉夠腍，紅燒汁夠多，甜甜地，好好味，撈飯一流。😋😋
江南鎮江排骨菜飯+豆漿
$50
27 views
0 likes
0 comments
🔥 +2件 江南春卷 $10
一條長春卷切開2件，炸春卷皮好脆但比較油膩，逼油功夫麻麻地。
春卷餡內蔬菜夠新鮮。
江南春卷
$10
29 views
0 likes
0 comments
🔥 +4件 上海小籠包 $25
小籠包賣相精緻，用上四方木蒸盒裝住。
外皮超級薄但比較乾身，薄到可以見到入面湯汁，係高質嘅小籠包。
要挑剔嘅地方係雖然小籠包餡料調味好好但食得出係用冰鮮絞肉，而且附送嘅鎮江醋，薑絲切得太粗了。
上海小籠包
$25
34 views
0 likes
0 comments
🔥 3件 蘿蔔絲酥餅 $40
超級厲害既蘿蔔絲酥餅，光睇酥餅外層，好似藝術品一樣，一層層整整齊齊，製作技巧十分之高。
咬一啖蘿蔔絲酥餅十分鬆脆，外皮夠薄，入面蘿蔔絲夠多，調味好好又冇生蘿蔔澀味。
蘿蔔絲酥餅唔油膩，逼油功夫一流，不過所用嘅炸油有咁上下歷史，炸出嚟嘅食物比較深色。
大隻仔超級推薦蘿蔔絲酥餅。
蘿蔔絲酥餅
$40
92 views
1 likes
0 comments
🔥 4件 古法生煎菜肉包 $35
古法生煎包做法係用菜肉包煎香兩面至金黃色，餡料好重酒味蓋過豬肉味。
古法生煎菜肉包
$35
67 views
0 likes
0 comments
食後評語：
每樣食物醃製時間夠長，都好入味，調味唔馬虎。
小店形式，地方比較狹窄，服務周到，仲提供紙巾。
呢個價錢，又高質素，絕對超值。
Post
