悅廬精致江西菜

Open Now

Now Closed

是日好友約飯局，飯局地點是銅鑼灣既悅廬精致江西菜。入到去好快店員安排好座位，送上菊花水。天氣熱飲菊花水都解口渴。朋友發板叫左鐵板蒜蓉水晶蝦，家鄉藕帶，南昌牛肉米粉，井岡山煙筍炒三絲，魚籽魚泡。鐵板蒜蓉水晶蝦-鐵板上枱，蝦排成一圈。中間有粉絲同大量蒜蓉。蝦肉爽口彈牙，蒜蓉提昇了蝦鮮味。粉絲簡直係吸收日月精華咁將蝦鮮味和蒜香味收為己用。家鄉藕帶-幼嫩的藕片除左爽口外，更有著田園氣息的味道。加上少少辣再增加了口感。南昌牛肉米粉-牛肉入味嫩滑，米粉爽口彈牙，和平時食既米粉唔同，佢夠晒煙韌，有口感。加上辣椒爆香成道菜都好好味。井岡山煙筍炒三絲-嫩筍幼切加上辣椒爆香加上配料。這道菜式除了口感好外仲有味道都一流。魚籽魚泡-沒有魚腥味道反而有著鮮甜。魚籽一舊一舊咬下，一個個魚泡入口。骨膠原入口即融的感覺。個汁都好關鍵，調味到可以令這兩個主角都昇華。