相馬日式火鍋 (Closed)

相馬不知不覺間越開越多分店，成日行過路過都冇機會入去試，今次開到嚟屋企附近，終於可以試吓牛涮渦以外嘅火鍋放題。店舖入面都幾多位，主要以梳化為主坐得好舒服。🔅蕃茄湯底：酸酸甜甜咁 開胃之選，為陣間又食炸物又食串燒又打邊爐做好準備。入面都已經配備左幾多番茄丁，另外再嗌蔬菜配料嘅話可以唔使再嗌蕃茄。私心隱藏食法係 嗌薯仔自己熬製一個蕃茄薯仔湯，勁好味 一定要試吓！🔅肉肉：打邊爐唔少得嘅一定係瘋狂下肉，呢度嘅牛肩胛、肥牛、雞肉、豬肉…全部都係仼食。當中比較出色嘅一定係美國特選牛肩胛，放題都食到牛味香濃嘅quality 值得表揚！