Video
Read full review
2021-12-16
380 views
咁arm喺大圍附近整嘢 bookmark左呢間都幾耐 亦有唔少食評介紹過 就嚟呢間食下湯麵舖頭唔算好大 大概6張四人枱到 有少少窄 裝修有少舊 唔算光猛 但係都乾淨嘅 去嗰陣係平日 下午三點到 唔洗排隊 但係都已經坐左3-4枱 之後都陸續有人嚟入到去已經聞到好大陣海鮮湯味 所以就叫左個海龍皇湯麵、 好頭好尾 同埋涼拌豆腐 都有唔少街坊叫左棉花雞 但係驚食唔曬 就叫住咁多先個涼拌豆腐好快就嚟左 🤩 五分鐘都唔洗就上左菜凍凍地 d麻辣汁適量 我自己覺得比例arm arm好😼豆腐好滑 不過相對就有d容易斷 難夾d 亦有可能係我筷子功唔好啦 😂唔算好辣 或者好麻 過過口癮 係一道唔錯嘅開胃冷盤跟住個好頭好尾都上左個湯超級鮮甜 亦好濃 有d似台灣牛肉麵嘅湯底 但係更清同甜 忍唔住要飲多幾淡d麵有少少硬同煙韌 口感見仁見智 我自己就幾鍾意d麵有少少彈牙嘅 所以都頗為滿意🥰不過d牛就有d太難咬+ 韌 亦有可能係我食嘅部位 每碗都有兩個部位而且量都唔少👍可以試下最後就係個海龍皇湯足料 （蠔x2 蝦x2 墨魚滑 同埋 蟹肉）一堆蟹肉+ 墨魚滑超大塊！湯底好香 雖然唔算好杰 但係超濃味 啖啖都有海鮮嘅精
舖頭唔算好大 大概6張四人枱到 有少少窄 裝修有少舊 唔算光猛 但係都乾淨嘅 去嗰陣係平日 下午三點到 唔洗排隊 但係都已經坐左3-4枱 之後都陸續有人嚟
入到去已經聞到好大陣海鮮湯味 所以就叫左個海龍皇湯麵、 好頭好尾 同埋涼拌豆腐 都有唔少街坊叫左棉花雞 但係驚食唔曬 就叫住咁多先
個涼拌豆腐好快就嚟左 🤩 五分鐘都唔洗就上左菜
凍凍地 d麻辣汁適量 我自己覺得比例arm arm好😼
豆腐好滑 不過相對就有d容易斷 難夾d 亦有可能係我筷子功唔好啦 😂
唔算好辣 或者好麻 過過口癮 係一道唔錯嘅開胃冷盤
跟住個好頭好尾都上左
個湯超級鮮甜 亦好濃 有d似台灣牛肉麵嘅湯底 但係更清同甜 忍唔住要飲多幾淡
d麵有少少硬同煙韌 口感見仁見智 我自己就幾鍾意d麵有少少彈牙嘅 所以都頗為滿意🥰
不過d牛就有d太難咬+ 韌 亦有可能係我食嘅部位 每碗都有兩個部位而且量都唔少👍可以試下
最後就係個海龍皇湯
足料 （蠔x2 蝦x2 墨魚滑 同埋 蟹肉）
一堆蟹肉+ 墨魚滑超大塊！湯底好香 雖然唔算好杰 但係超濃味 啖啖都有海鮮嘅精華😻
麵一樣偏硬 但係我都幾鍾意 蝦就連殼（應該唔想整霉佢）正常味道 都幾大隻 墨魚滑好彈牙！
d湯飲到最尾可能會有d太濃 但係真係超好飲
另外想提呢間餐廳服務態度好好！
有keep住幫我地加水 同埋都好細心 （諗住我地要拆蝦 就俾定手套我地）講野語氣亦好友善😍
份量唔算少 但係唔算太多 正常size arm arm好食飽 但係d湯底 真係落足功夫 👍 雖然未到話要山長水遠入嚟食 但係如果喺呢頭附近就可以去試下！
涼拌豆腐
9 views
0 likes
0 comments
好頭好尾
16 views
0 likes
0 comments
海龍皇湯
12 views
0 likes
0 comments
Post
