好湯好麵 (名店坊)

Open Now

Now Closed

原本以為佢係日式拉麵，點知佢原來係中式拉麵，今次我試咗【西班牙紅蝦幼麵】同【迷你佛跳牆寬麵】，店員仲推薦咗【雪梨黑豆水】。餐點一到我已經聞到啲湯好香，先飲咗一啖蝦湯，蝦味好濃郁，仲想再飲多幾啖，之後再試埋佛跳牆嘅湯底，湯底都好鮮甜，不過因為之前飲咗超濃嘅蝦湯，所以影響咗飲佛跳牆湯底嘅味道，不過佢本身都好好飲。麵嘅質感都剛剛好，又滑身，仲可以掛住湯汁，食麵時都可以吸收到湯嘅精華，而配菜嘅分量都合適。不過雪梨黑豆水就唔係好符合我嘅味道，甜甜地，我飲唔慣。