好麵線

Open Now

Now Closed

好耐冇食汽窩雞，所以叫酸菜魚二人套餐($79)，有一大碗酸菜魚米線、田七汽窩雞、兩杯飲品(我同老婆要凍檸蜜同凍咸檸蜜)和兩碗豆腐花。好彩有朋友講過呢度都幾辣，所以我碗米線要小辣，對我講已經夠哂辣。分量幾大，確係夠兩個人食。鯇魚幾新鮮，不過好多細骨。米線本身亦幾滑，唔錯。汽窩雞就出乎意料，同我雲南米線舖食開唔同，呢度係雞湯，得幾舊仔雞肉，不過個湯都算幾好味，有藥材味但唔算好勁。豆腐花亦唔差，好滑。有唔少網友彈佢服務唔得，不過我就好彩，阿姐冇乜，服務普通啦。