Ember (Closed)

朋友終於完成咗佢既大project，梗係要約出黎賀一賀佢啦～係銅鑼灣地鐵站C出口行幾分鐘就到Ember。門面望落去已經見到ember閃亮既標誌，當中既b就用咗音樂符號代替，好特別。入到去見到燈光都係比較暗，份外突顯餐廳型格既裝潢。每枱都會有一小盞燈，讓你感到特別有情調。現場更有live show，讓人享用晚餐時，可以同時享受音樂。牛肉墨西哥烤餅配酸忌廉，牛油梨醬及蕃茄莎莎：墨西哥烤餅可以選擇雞肉或者牛肉，我地揀咗牛肉。牛肉經調味後，伴有洋蔥、蕃茄、 蘑菇、芝士，再用烤好既餅皮包好。牛肉好juicy，洋蔥唔會好辣，再加上蕃茄、蘑菇同埋芝士既配搭好夾。餅皮因為唔會過薄，烤過後只帶有少許香脆，包起所有餡料放入口就剛好！雖然就咁食都已經好夠味，但係我建議可以點酸忌廉，牛油梨醬同埋蕃茄莎莎呢三種醬汁，為味道添上清新既感覺。烤西班牙黑毛豬扒伴荷蘭豆燒手指薯配燒汁：點呢道菜既時候，店員會問要幾成熟。我地聽從店員既建議點咗七成熟。可能因為七成熟既關係，整塊黑毛豬扒都係比較容易切開，但又唔會見到血淋淋未熟既肉，見到既係令人垂涎欲滴、剛烤好既西班牙黑毛豬扒。放入口咀嚼，肉質鮮嫩而且充滿肉香，唔會食到有筋好