快樂小羊火鍋料理 (銅鑼灣廣場一期) (Closed)

質素一般，性價比一般最好食係鬼馬油炸條，油炸鬼上面有魚肉同蟹籽，食落卜卜脆幾好味同埋幾特別😋😋😋😋😋其次，佢個牛柏葉都做得幾出色，我好鍾意食牛柏葉，佢嘅牛柏葉食落好爽脆。啲牛柏葉仲要大大塊口感極佳。😋😋😋😋仲有，個拼盤係三種肉類嘅拼盤，分別係羊肉、牛肉同埋豬肉。但係我食落，唔係好分到佢哋嘅分別，羊嘅味道唔重。另外，個羊丸味道好一般，食落有啲似牛丸，嗰隻係黑松露羊丸，但係冇黑松露嘅味道。最後，我哋嚟講吓個湯底：個湯底係鴛鴦鍋，但係個味唔夠濃，打邊爐打到中間，仲要加水，咁就令到個湯底更加淡啦。埋單每人三百幾蚊，性價比一般，但又唔算好貴。店名：快樂小羊地址：銅鑼灣廣場一期4樓