華記茶餐廳 (Closed)

今日係石門和朋友食午飯既時候，冇乜時間到處找食店慢慢享受既時候行到京瑞廣場外就見到呢間茶餐廳唔再作選擇即刻入去坐低，見餐廳都有好多選擇，不過冇乜時間，餐牌都冇乜點睇，所以冇乜影到相，只係影左幾張就算，即刻叫左一個牛雜飯和一個午餐咖喱海鮮炒飯。等左一陣兩個飯就送到，睇賣相和份量都值得讚，但唔知食落又得唔得咖喱海鮮炒飯：海鮮有魷魚和蝦，囗感都爽囗彈牙，整碟飯配料都唔錯，祗係味道就差少少，祗得咖喱味而欠左少少鹽味，唔夠惹味牛雜飯：牛雜份量幾多，味道幾好，樣樣好腍而且好入味，呢個值得推介呢間店係石門算係可以再次光顧既食店。