Starry Night (Closed)

我發覺其他評全部都係枚來的，我只反映真實情況。經KK Day訂購，$438一位，共兩位慶祝結婚週年。搭𨋢上去一出𨋢門一大陣濃烈煙味，樓上吧格局(中伏) ，由職員安排帶位，梳化仍然有煙灰。其後職員講解，選了白酒任飲加$98，特色飲品任飲加$48，再收加一服務。之後來小食冷盤中華沙律、八爪魚、螺頭，餐湯磨菇湯感覺蒜蓉水一樣衰過金寶湯，黑糖麵包普普通通一嚿麵包唔知放咗幾耐，話送的煙三文魚沒有來過。期間吧檯職員粗口傾偈，做得食店好心戴返口罩喇! 之後冷盤，職員整色整水加乾冰營造火焰冷盤，生蠔、翡翠螺、凍蝦，首先KK Day廣告說的法國/日本/南非/愛爾蘭生蠔，最後只得法國同日本兩種，第一碟係有十隻八隻，全部都瘦猛猛，第二碟開始求其用個細盤上，每次只得六隻，D蠔越來越瘦及越食越細隻，翡翠螺同樣，至於凍蝦第一盤食過苦的所以無再叫，我們是6時15分入席，未夠8點已經last call，埋單再加三佰幾蚊。如果知道咁嘅質素，我程願去酒店食Buffet，沒有下次。全晚見大廳得三檯客加房裡一檯。😡