Video
Read full review
2017-03-14
157 views
尋日臨放工收到個群組訊息...喂~ 今晚我想出街食...7:00 銅鑼灣C出口等...邊個遲到邊個請..得出回覆有...今晚開OT...出席不能...(弟)老婆約左我睇戲..你放過我啦 (兄)仲有..今晚我入馬場....你食得開心?啦... (老豆)淨返我一個人可以答...OK 7:00 準時見....而其實話想出街食飯?個係老媽子...就係因為咁...無論我有幾多野做都好..我都要準時收工飛出去銅鑼灣食飯..去到地鐵站口..見到老媽子問佢到底想食乜..佢話上FACEBOOK見到有間叫火山燒任食嘅餐廳好似好好食咁想試吓咁話喎...咁老媽子叫到咪去囉~ 雖然以前食過一次...嘢食係OK..係唔多夠火力?上到去見到裝修都冇變, 不過點解個?面個爐唔同左？問一問員工先知原來佢地三月啱啱轉左用明火爐燒黎燒anyway, 野始終係要食...睇吓個明火幾把炮啦...循例叫左盤肉黎燒下先...對上一次好似要燒十幾分鐘不過今次真係唔同左...我感受到乜係燒肉啦~ 啲肉咋咋林咁比我燒熟左啦~換左明火,火力好好多,而且呢度個抽風都好好~ 都冇乜油煙味~原先諗住唔知D肉會唔會要燒好耐先熟,所以都叫左些許前菜
喂~ 今晚我想出街食...7:00 銅鑼灣C出口等...邊個遲到邊個請..
得出回覆有...今晚開OT...出席不能...(弟)老婆約左我睇戲..你放過我啦 (兄)仲有..今晚我入馬場....你食得開心?啦... (老豆)
淨返我一個人可以答...OK 7:00 準時見....而其實話想出街食飯?個係老媽子...就係因為咁...無論我有幾多野做都好..我都要準時收工飛出去銅鑼灣食飯..
去到地鐵站口..見到老媽子問佢到底想食乜..佢話上FACEBOOK見到有間叫火山燒任食嘅餐廳好似好好食咁想試吓咁話喎...
咁老媽子叫到咪去囉~ 雖然以前食過一次...嘢食係OK..係唔多夠火力?
上到去見到裝修都冇變, 不過點解個?面個爐唔同左？問一問員工先知原來佢地三月啱啱轉左用明火爐燒黎燒
anyway, 野始終係要食...睇吓個明火幾把炮啦...
循例叫左盤肉黎燒下先...對上一次好似要燒十幾分鐘不過今次真係唔同左...我感受到乜係燒肉啦~ 啲肉咋咋林咁比我燒熟左啦~
換左明火,火力好好多,而且呢度個抽風都好好~ 都冇乜油煙味~原先諗住唔知D肉會唔會要燒好耐先熟,所以都叫左些許前菜呀小食呀咁叫左當然就唔好浪費啦~ 照食可也~ 啲沙津好食,啲菜都好脆,新鮮好味蒟蒻切到細細粒咁,小小酸幾醒胃個蒜油冷麵唔會痴埋一Pat..應該係整起冇耐仲有唔多人叫嘅枝豆..真係送酒一流
不過可惜佢地啲酒幾貴?..如果平啲就好勒...而普通飲品就$20任你叫...燒完肉就燒串燒,其實選擇都好多... 其中有啲幾得意嘅野好似有墨魚咀啦, 有漢堡扒啦,有玉子燒啦,仲有個魚翅福袋 呢?都算係比較有特色嘅串燒
其實其間我見到隔離?有成個海鮮拼盤...問返人地先知...4人或以上會送海鮮拼盤......雖然店員都有送我們海蝦....不過...
阿哥細佬老豆...小左你三條友搞到我冇得食個拼盤......我記住你地...食到九點鬆十點...阿媽話想返屋企追電視喎..咁我就當然埋單閃人啦
下次為左個海鮮拼盤..我決定叫自己啲朋友黎刷返餐
Post
