蝦麵店 (荃新天地) (Closed)

這間餐廳以馬來西亞蝦麵聞名，今次選擇小麵·大滿足午餐，價錢已包括一碗小麵、小食和飲品，相當划算。蝦肉魷魚麵和蝦肉四寶麵均配上招牌嘅辣味蝦湯，蝦味濃郁，但原來紅噹噹嘅湯底，只有淡淡嘅辣味而且帶有甜味，唔食辣嘅朋友應該都可以食到。魷魚爽口彈牙，蝦肉比較結實，咬落去似係雪藏蝦，無乜味道。五香脆炸豆腐豆卜，每件炸到脆卜卜，非常香口。個人比較喜歡豆卜，外脆內軟。特製亞參脆多士，味道係酸酸的，但就唔太啱我口味。