茶廳 (Closed)

呢間茶廳開左到宜家去過好多次，早期水準不錯，所以經常會去，因為青衣城的選擇真係好少，到2018年後期開始差，服務由始至終都係差，門口位阿姐完全成日黑面，無招呼都算因為佢地既食物還算幾好食，後來每次都有出人意料之外既事情發生，記得有次蝦仁炒蛋，蛋係炒得幾好食好滑，但入面的蝦仁是冰冰地的，我唔知佢係邊度攞出來，埋單後我有提下佢地叫廚師要注意一下，反正食開總會俾多次機會佢上星期來食個涼瓜肉碎炒蛋，成碟都係蛋，涼瓜少過十片肉碎唔知有無十粒，咁樣個lunch收人$58 ？今日lunch time想俾多次機會俾佢，來叫左個炒飯，首先個時間剛好無乜客，但我等左十幾分鐘都未上，心想佢應該即炒所以耐D，點知一來到食個下非常有驚無喜，因為個炒飯係凍既，成間野得幾個客等咁耐先來個炒飯仲要係凍既，個刻我知我唔會再來，已經俾夠機會佢了