Video
Read full review
2017-08-31
776 views
呢間食店真係令我印象深刻，我想為佢寫食評好耐喇，但之前發現冇佢個page，所以冇寫到⋯話說之前去食早餐，見價錢相宜，又多配搭，所以去試下。入到去個格局好似飯堂咁，一排排，但比一般環境迫夾，想搵個地方放隨身物品都冇。我叫左個五香肉丁米粉加奄列既早餐。奄列已經唔似平時食開咁款，似乾爭爭既蛋餅多尐。而亮點係佢個五香肉丁米粉（見下圖），成碗面加埋得肉丁兩粒，其餘係「凝固醬汁」同「全脂肉丁」，感覺好似就咁將罐頭尐剩餘物資（豬潲）倒落碗粉度。我頓時覺得有點迷失，然後舉手通知侍應，點知個資深女侍應行都冇行埋黎，挨住牆問我咩事，我唯有嗌過去，向佢描述碗肉丁粉既情況，心想佢地可能唔係故意既，點知佢回一句：「係咁架喇！」KO左我。如果間食店攞呢尐嘢去比人食，我覺得係對食客唔尊重，加上服務態度惡劣。田土火店遇唔少，呢間真係令人印象深刻，令本想多支持小店既我為之卻步⋯
話說之前去食早餐，見價錢相宜，又多配搭，所以去試下。入到去個格局好似飯堂咁，一排排，但比一般環境迫夾，想搵個地方放隨身物品都冇。
我叫左個五香肉丁米粉加奄列既早餐。奄列已經唔似平時食開咁款，似乾爭爭既蛋餅多尐。而亮點係佢個五香肉丁米粉（見下圖），成碗面加埋得肉丁兩粒，其餘係「凝固醬汁」同「全脂肉丁」，感覺好似就咁將罐頭尐剩餘物資（豬潲）倒落碗粉度。
我頓時覺得有點迷失，然後舉手通知侍應，點知個資深女侍應行都冇行埋黎，挨住牆問我咩事，我唯有嗌過去，向佢描述碗肉丁粉既情況，心想佢地可能唔係故意既，點知佢回一句：「係咁架喇！」KO左我。
如果間食店攞呢尐嘢去比人食，我覺得係對食客唔尊重，加上服務態度惡劣。田土火店遇唔少，呢間真係令人印象深刻，令本想多支持小店既我為之卻步⋯
Post
