順．和の味 (Closed)

book中午1215, 準時出席。用餐時間一小時1225前點餐，其中點水炊雞定食吹左兩次，等到1240先出現。1250 朋友們吹緊水，未食完個定食，有幾個侍應不時行過要收野走(前後三次)。佢地係差唔多放左對手响個定食上空先出聲問1255 侍應自動出單要找數，冇出聲求其丢低張單就行開左1310 走人（因為經遲左會俾人趕）。行到出門口，其實得兩個人等緊位另外，點餐時問某個侍應，某銀行信用卡點lunch set有冇折。佢話要問經理。以為佢會幫我問，又或者佢叫經理行過來，都冇發生。佢應該係要我自己直接揾經理問。我地三個人來自不同地方，都覺得侍應表現極之失禮，甚至係粗魯RUDE! 我就覺得譚仔d阿姐仲friendly. 食物方面，味道係OK，但係lunch set要$150-200另加一在上環算少貴。可以有其他選擇坐得都算舒服, 唔會好逼。但係一間冇服務的日本菜的餐廳，應該可以唔使再光顧吧。