Video
Read full review
2014-02-23
2412 views
今年情人節適逢元宵，係十九年一遇，各大食肆一早已安排情人節訂座，無奈另一半話可能要加班唔知幾點走，唯有即場入座。食西餐應該唔使旨意，諗住轉食其他菜，可能加上星期五既關係，去左幾間唔係大排長龍，就係話已滿座，搞到好掃興。 好在最後俾我地搵到呢間近尖東永安既餐廳，難得唔使等位，雖然佢話今晚最低消費要每人２５０，我地唔想再行都二話不說就入去了。 餐廳外觀似酒吧，而係尖咀黎講比較近商業區，附近冇購物點，自然少人黎。話明係情人節，餐廳特設左幾款情人節餐，每位３８０，以今日黎講價錢算合理了！同一般高級西餐廳一樣，呢度既餐牌同侍應都使用全英語，而客人亦以外國人為主，見到佢地天寒地凍仲係室外好悠閒地飲酒傾計，頓時覺得自己好似身處國外咁。 比較過主餐牌同情人節餐，都係覺得叫套餐抵Ｄ，所以就點左兩款。套餐包括前菜（沙律或餐湯），主菜同甜品，仲有兩杯香檳，份量適中。兩杯香檳杯上貼左心心，增添浪漫氣氛。前菜沙律有兩粒切半帶子，都算鮮味，但就鹹左少少，個sauce都ＯＫ。餐湯係蕃茄醬蓉煮的，味道同肉醬意粉個醬好似，湯內放左一件去皮炸雞，老公話都幾好食，美中不足係兩件餐包係凍的。主菜黎喇，係最穩陣既三文魚扒
話明係情人節，餐廳特設左幾款情人節餐，每位３８０，以今日黎講價錢算合理了！同一般高級西餐廳一樣，呢度既餐牌同侍應都使用全英語，而客人亦以外國人為主，見到佢地天寒地凍仲係室外好悠閒地飲酒傾計，頓時覺得自己好似身處國外咁。
比較過主餐牌同情人節餐，都係覺得叫套餐抵Ｄ，所以就點左兩款。套餐包括前菜（沙律或餐湯），主菜同甜品，仲有兩杯香檳，份量適中。
兩杯香檳杯上貼左心心，增添浪漫氣氛。
前菜沙律有兩粒切半帶子，都算鮮味，但就鹹左少少，個sauce都ＯＫ。
餐湯係蕃茄醬蓉煮的，味道同肉醬意粉個醬好似，湯內放左一件去皮炸雞，老公話都幾好食，美中不足係兩件餐包係凍的。
主菜黎喇，係最穩陣既三文魚扒意粉。三文魚扒份量十足，煎得恰到好處，意粉亦軟硬適中，加埋碎芝士更加惹味，而伴碟既菠菜亦唔失分，只係有點點油，一次半次冇所謂啦！
另一道主菜係牛尾伴龍蝦煙肉蘆筍卷，第一次咁樣食牛尾，有少少靱，龍蝦係雪藏貨，整體味道不過不失，反而墊底既薯蓉最好味。
到食甜品喇，賣相吸引既雞蛋布丁同市面食既分別在於佢既質地比較厚實，蛋味更濃。
另一款甜品係朱古力慕絲蛋糕，外表平實既蛋糕厚如一件磚頭，食落口充滿濃郁既朱古力香，夾雜朱古力碎，簡宜係驚為天人，真係好好食啊！
餐廳每枱會送一支玫瑰花以配合情人節既氣氛，對於多年冇收過花既我真係好大驚喜哩！其實係甜蜜既日子同心愛既人享用晚餐，食乜都係甜既！
Other Info. :
呢度上菜比較慢，人客又唔多，好適合飲酒傾計。
(The above review is the personal opinion of a user which does not represent OpenRice's point of view.)
Post
