Video
Read full review
2018-03-18
1089 views
用餐日期為三月上旬的一個平日晚上，見到呢間燒味店新開，環境明亮，相比附近中上環老牌連鎖舊式茶記，真的會吸引女士們光顧～一入去門口有工人整緊天花版，我要「兜路」行先可入去會合已搵左位既老公～中間每張小檯竟然每張有四張椅，擺左四個位，心想中午時間中環一定好多人，就算坐到四個人，都放不到四份餐吧？！細細個時家住中環，對呢間舖頭有依稀的印象。「懷舊情懷 復刻味覺」是不少老店作招徠的話句，來燒味店唔係唔食燒味卦？我同老公睇晒所有店內餐牌都沒有燒味碟頭飯。。。只有散叫的燒味。。一心來呢到真心唔想食小菜啊！但環顧四週所有食客都係叫以下「家常便飯」餐牌既小菜套餐，咁無辦法啦！我地以為晚飯沒有燒味供應。誰知呢個係伏之始！老實說，呢個價錢都算小貴～心想一次半次無所謂啦！B3 餐$88，仲話新張優惠先有白飯同老火湯送～飯很硬，飯沒有飯味～最過份既係壺「茶」，有個壺，正常人expect 是茶吧！點知是水來的，仲要收幾蚊「茶錢」同加一！散叫左個荷葉飯，等左半個鐘先到，唔算熱，味道有點怪，很少「料」；老公食到一半已經唔想食好戲在後頭，見到有一個男客人問店員，為何餐牌沒有「燒味飯」，那客人其實同我地一樣已叫左「家常
一入去門口有工人整緊天花版，我要「兜路」行先可入去會合已搵左位既老公～
中間每張小檯竟然每張有四張椅，擺左四個位，心想中午時間中環一定好多人，就算坐到四個人，都放不到四份餐吧？！
細細個時家住中環，對呢間舖頭有依稀的印象。
「懷舊情懷 復刻味覺」是不少老店作招徠的話句，來燒味店唔係唔食燒味卦？
我同老公睇晒所有店內餐牌都沒有燒味碟頭飯。。。只有散叫的燒味。。
一心來呢到真心唔想食小菜啊！但環顧四週所有食客都係叫以下「家常便飯」餐牌既小菜套餐，咁無辦法啦！我地以為晚飯沒有燒味供應。
誰知呢個係伏之始！
老實說，呢個價錢都算小貴～心想一次半次無所謂啦！
B3 餐$88，仲話新張優惠先有白飯同老火湯送～
飯很硬，飯沒有飯味～
最過份既係壺「茶」，有個壺，正常人expect 是茶吧！點知是水來的，仲要收幾蚊「茶錢」同加一！
散叫左個荷葉飯，等左半個鐘先到，唔算熱，味道有點怪，很少「料」；老公食到一半已經唔想食
好戲在後頭，見到有一個男客人問店員，為何餐牌沒有「燒味飯」，那客人其實同我地一樣已叫左「家常便飯餐」，同我們一樣愈想愈唔對勁，終於忍不住要問下店員！但店員支吾以對，沒有回答那男人「有定冇？」再問多兩問，先細細聲話「你可以叫！」咁男客人再問點解呢度冇燒味飯餐牌！繼續答唔出！
我們的疑問和那男人一樣仍未解開，食完心有不甘，於是看看放在門外的餐牌，晚上係有「燒味飯」的！而且只是五十多元！！
真係狗年第一大伏！店方係咪迫人食較貴（至平都要$88）既「家常便飯」而故意唔擺燒味飯餐牌入店內？？請自行判斷！
有些小插曲都幾「有趣」，此店不斷有單身女士進入，但店員都要她們撘檯，幾乎8成女士都不願意走了，剩下的都是不情不願坐下。其實店內仲有好多「吉位」。
幾天後，比多次機會呢間「燒味專家」，晚上叫附近工作的老公係呢間「斬料」燒味回家，燒味質素仲差過大家樂可以講 bye bye!
Post
