TC2 (Tea Coffee Two) (Closed)

呢間餐廳可以用草草了事嚟形容,因為同朋友行開聯合見肚餓所以去附近搵下有咩食，咁岩經過呢間餐廳又俾佢個氣氛同裝修吸引住,所以就入去試啦,我地三個人叫左一個燒汁牛肉炒意粉、蟹籽煙三文魚忌廉意粉、安格斯牛扒仲有蜜糖燒雞翼同炸薯角,先講兩個意粉賣相真係頹到不能形容，好似屋企呀媽見雪櫃有咩就求其炒埋一碟就算 毫無半點誠意，重點係價錢唔值加埋餐湯都要$110左右仲要加一收費，我想講完全唔值囉，老實講呀媽煮仲好食起碼有誠意同愛心呀，咁既質素茶餐廳都不如呀，到牛扒真係嬲到喊出嚟,百幾蚊塊扒以為好好食啦，點知成碟碟頭飯咁講真百幾蚊一塊扒去outback食都食到，仲要好食10倍係呢度完全浪費左囉，又冇牛味成塊扒得陣油味應該落左好多油去煎，另外蜜糖雞翼都唔係太好，感覺好似已經好多日，肉質已經硬晒，一d都唔軟同冇汁，要靠蜜糖食先好食，另外三個餐湯我地叫左兩個雜菜湯同一個南瓜忌廉湯，兩個菜湯完全冇味，好似水一樣，而個南瓜忌廉湯就唔錯只係暖，唯一係唔夠熱。果日我完全冇影過相因為已經食到成肚火加冇晒心情啦，所以廢事影，我真心建議大家唔好去試，因為真係會令你好失望同好傷心，咁既價錢食物質素居然咁樣真係會令你好後悔，