御前大江戶日式料理 (Closed)

訂左檯，5:45pm 去到，出升降機後，只見到有好多人，跟本就唔知應該係邊到入，如果有職員指示會好啲，人多到滿晒走廊，排隊等入座排到去後樓梯落3層樓，帶住D細佬同老人家確實唔方便，其實已經夠鐘，餐廳未有人既，咁多人塞住走廊，應該彈性啲，放左啲人入去先啦，第一次去就咁，感覺好差，坐低左，好快就送上一盤海鮮，有鮑魚、生蠔、扇貝、蟹蓋同蝦，新鮮同大隻既，食都唔錯，唯有蟹蓋2個人1隻同幾咸，餐廳有開咪廣播教點燒，但太吵喇!唔係好聽到，但枱面都有個牌教你燒既，間唔中會有待應黎睇下你地啲燒物，留意貝類燒得耐會爆殼。                        有1部平板落其他 order, 菜式選擇唔多，款式普通，質素更普通，有好多漏單情況，又有時以為漏單(一去到就已經叫左野)，但點知又黎番(差唔多走先黎)，炸物、串燒，只係微暖，一啲都唔熱，天婦羅蝦淋的，牛仔骨燒物好韌，壽司唔錯，細細件，泡菜豚肉鍋，味淡，豚肉好韌，菜都好老，甜品、生果、飲品自己出去攞，甜品有超細盒豆腐花(幾好，唔駛食咁多)、有雀巢甜筒、迷你雪糕糯米滋，整體食物質素一般，只是磯燒海鮮有D綽頭。另外，餐廳唔夠位，安排枱放置到升降機