Bun Cha Vietnamese (金豪大廈)

Open Now

Now Closed

朋友說這是他嘗過香港最好吃的Pho, 於是我帶住幾大嘅期望去試呢間pho。正所謂希望越大，失望就越大，今次尋pho 之旅就有少少失望而回。舖頭地方不大，但舒適，今日天氣熱但呢度冇開冷氣，雖然半開放但都食到成身汗。入返正題，order 咗最 classic 的pho bo (薄西冷生牛河），多蔥。湯底比香港一般大路的pho 清甜, 雖然沒有濃濃牛味，但都唔錯，at least 味精唔勁。牛肉份量足夠，幾嫩滑，可惜好多筋, 所以大部分牛肉𡁻完只能lur 返出黎😫洋葱，蔥同芽菜都唔少，河粉係幼同實淨嗰隻，我自己就比較喜歡闊身好滑嗰種河（曾經喺Melbourne 試過超滑的pho, 香港就暫時只有大角咀某越南小店有呢種滑度）。整體來說此pho 我比75 分。返而今次嘅小驚喜係份炸春卷，咬落d餡有陣海鮮味，點少少枱面支檸檬辣椒醬就very good。如果以食pho 黎講，呢一碗吃過一次就算了。