糖圓園 (Closed)

我一直都好喜歡食泡冰，以前成日都去太子一家店食綿花冰。自從太子那家店結業後，一直都好懷念綿花冰的味道。早前知道沙田開了一家甜品店，於是趁有空馬上去試下。我耍了:Mango 冰底配百香果 Q 爆、珍珠及要百香果醬。 一共$28。Mango 冰底無咩 Mango 味; 百香果 Q 爆就幾得意，感覺好似食緊「三文魚子」; 珍珠質感都唔錯; 百香果醬味道就ok，不過沒有百香果核，口感大減!整體味道一般，比起以前的綿花冰差好遠。而且價錢較貴， menu 有點誤導，因為睇落 $28會包一款水果，原來唔包，要加就要 $5。其實 $28 已經唔算平，呢個價錢好應該包埋一款水果。另外，間店唔係好大，座得好辛苦，同後面枱的人近乎要背掂背。不過由於我真係好鐘意食綿花冰，所以都食晒。雖然呢間野真係好一般而且唔抵食，不過因為綿花冰0既關係，我諗我都應該會再去。