HK甜品店 (Closed)

我今日和朋友食甜品，行到見到這間甜品新開，有很多明星合照就試一試啦，點知中哂伏！好恐怖，我和朋友只想普普通通食普通糖水，完全對其他特色甜品無興趣，但我覺得佢應該只著重貴價甜品。今次我們點了兩款甜品：左面那個是紅豆沙，佢比我的時候，我以為佢比錯我，因為佢係綠色的，我以為佢送錯比我炸，我覺得好反感囉，點解紅豆沙綠色的呀，那些紅豆很散，根本無哂味，一食落去，更加覺得伏，甜到無朋友，只係加糖水就算，根本無煲的感覺，唔怪得那些紅豆散哂啦！最後我都食唔曬，因為太甜了。講完碗紅豆沙就講朋友碗芝麻糊，更恐怖，芝麻糊係紫色的，我好唔明白佢落左咩，朋友一食就覺得係溝粉的，我試左之後都好失望，即磨芝麻一定唔會那麼淡，就算溝水都無可能味道都無。在我對呢間徹底失望之時，發覺有食客點選了一些貴價的精選甜品，賣相很美，那時我終於明白，這間店只著重貴價甜品，平價甜品只是在餐牌上充數。