Greyhound Café (新城市廣場) (Closed)

本想跟同事食另一間的，可是12點才開門營業，到步時已全場爆滿，唯有揀過第二間「唔使等位嘅」⋯⋯門口望入去又未至於無客，但有位，安排一行7人入座坐近門口處，裡面的檯係無客嘅，感到中伏。單看餐牌我地至少用左5分鐘都諗唔到，因為$98一欄嘅餐點只有三文治或泰式粉麵，還要加一，價錢太唔合理了，最後揀無可揀，唯有食泰式香辣雞肉碎飯配濃蝦湯總好過配沙律，覺得抵啲。先講點餐方面，六人最後只得兩款$118的午餐勉強可點，沒選擇下只是覺得有飯或意粉，感覺值一點，其間真係想奪門而走去另一間餐廳的衝動。蝦湯唔夠濃厚，算有一點點蝦味嘅。飯又跟一小碗湯，鹹酸菜肉丸湯，味道配搭比較古怪，雞肉碎飯加些魚露算唔錯，但選擇同價錢就令所有同事都說「無下次」可點餐飲或甜品，我點了甜品～朱古力蛋糕最為出色，口感屬蛋糕與布朗尼的中間點，朱古力味道濃但又不會太甜，是唯一的可取。