沖繩二段料理 (大本型)

Open Now

Now Closed

午市定食套餐有2大類，飯/烏冬，包餐飲及甜品。大阪燒吉列豬扒+櫻花蝦濃湯烏冬（$97）吉豬合格，外脆（但微微偏硬）、肉OK唔嚡，大阪燒醬汁都幾襯塊豬扒。蝦濃湯比預期中好，雖未至於好濃郁，但係有蝦味嘅；烏冬煙韌；有不少櫻花蝦。壽喜燒鍋煮美國牛肉+蕃茄鍋燒芝士炊飯（$85）壽喜燒鍋大量蔬菜，牛肉都不少，仲有粉絲粟米，味道勁似牛肉飯，係好味的。炊飯有蕃茄味，撈埋溶咗嘅芝士一齊食味道不錯，因為個鍋好熱，所以個底有微微飯焦（但唔會脆的，因為個飯底偏濕）。甜品本來都冇咩期望，但竟然喜出望外。沖繩海鹽焦糖冬甩雪糕，冬甩外脆內軟糯，口感特別，焦糖醬唔太甜，配埋雪糕一齊食好夾（雪糕面係有洒上海鹽，但食唔出），另外有一小pat紫薯。