炙・宴 (The LOHAS康城) (Closed)

雖然炙・宴以「豚丼」作為賣點，賣相都相當吸引，但個人比較偏愛食拉麵，今次就試咗火炙沖繩琉香豚拉麵（豬骨湯底） $123，另 +$12半熟蛋，沖繩豬肉煎餃加餐飲 +$50。九州豬骨湯底質感濃郁醇厚，令拉麵層次提升。餐廳選用沖繩縣產琉香豚作火炙叉燒，有別於一般日式叉燒或者九州風豬腩肉，琉香豚喺沖繩係有名嘅豚肉品牌 ，脂香油而不膩，食落香嫩鮮美。鐘意食辣朋友仔可以揀火炙沖繩琉香豚辣味噌豬骨湯拉麵。沖繩豬肉煎餃皮薄肉嫩，多肉汁，作為小食挺好的。整體味道不錯，可以一試。