Antoshimo Cafe & Bakery (Closed)

去開朗豪坊行街，到左食飯時間就去左呢間以沖繩為主題既日本餐廳食晚飯，唔需要等位，坐低後同朋友叫左一人一個set餐。岩鹽蒸雞豬骨蕃茄湯飯，送一杯飲品，冬既蜜桃茶，蜜桃茶幾好飲唔會太甜又唔會太淡，味道剛剛好，至於個飯，個蒸雞都幾入味，但有少少乾身得濟，個豬骨蕃茄湯飯幾出色，將d飯切成4件三角形咁幾得意，當中有芝士，食落口感好好。黑咖哩豬梅肉湯烏冬，d豬肉上面有蛋黃醬，同d豬肉好配襯，豬肉唔會太硬，另外個黑咖哩烏冬好好味，咖哩味好濃郁，烏冬份量都算多，再配埋杯熱綠茶，一個字，正2個人埋單加埋一都係162蚊，份量都好多，幾抵食。