Video
Read full review
2021-10-29
1402 views
女友小熊係港島做行街，佢發現西環都有楚撚記，店鋪大過屋企樓下間馬頭圍楚撚記，於是訂枱去開餐.訂枱原因係小熊話經過兩三次，次次門口都有客等位，訂定枱隱陣嘛！去到先知西環楚撚記同馬頭圍分店一樣，都係一條橫巷內.由於餐廳面積更大，坐得更舒服，裝修環境更令！一踏入餐廳，冷氣夠涼！原因可能係餐廳間開咗一邊做火鍋.餐廳裝修可以講一絕，一邊有老香港情懷，另一邊係中國風，帶D外地朋友嚟洗塵一流！小熊睇啱炸蠔餅，另外再點金沙黃金白飯魚，炸金磚豆腐同薯仔牛柳粒.再睇睇 menu, 嘩嘩嘩！居然有沙冰！幫襯咁多年D小菜餐廳，從未見過有沙冰提供！頂多咪啤酒荷蘭水！所以見到有沙冰簡直兩眼發光！我叫咗華田呵力沙冰，小熊叫水蜜桃沙冰.蠔餅炸得超鬆脆，蠔仔不單只份量適中，每隻蠔嘅size都唔細.白飯魚每條都包滿咸蛋黃，入口咸蛋味齒頰留香，外脆內軟，送酒一流！同樣地，炸金磚豆腐外脆內軟，滿意.薯仔牛柳粒味道帶甜，薯仔炒得夠冧夠入味，牛柳粒肉嫩，夾自己喜歡甜味嘅胃口.四個小菜都出現一個奇怪現像，望上去份量好似不足，但我同小熊都食淨，份量不足只係假像.沙冰簡直變成主角，首先不論華田呵力定水蜜桃味，味道都超濃郁，沙冰口感又夠
訂枱原因係小熊話經過兩三次，次次門口都有客等位，訂定枱隱陣嘛！
去到先知西環楚撚記同馬頭圍分店一樣，都係一條橫巷內.
由於餐廳面積更大，坐得更舒服，裝修環境更令！
一踏入餐廳，冷氣夠涼！原因可能係餐廳間開咗一邊做火鍋.
餐廳裝修可以講一絕，一邊有老香港情懷，另一邊係中國風，帶D外地朋友嚟洗塵一流！
小熊睇啱炸蠔餅，另外再點金沙黃金白飯魚，炸金磚豆腐同薯仔牛柳粒.
再睇睇 menu, 嘩嘩嘩！居然有沙冰！幫襯咁多年D小菜餐廳，從未見過有沙冰提供！頂多咪啤酒荷蘭水！所以見到有沙冰簡直兩眼發光！
我叫咗華田呵力沙冰，小熊叫水蜜桃沙冰.
蠔餅炸得超鬆脆，蠔仔不單只份量適中，每隻蠔嘅size都唔細.
白飯魚每條都包滿咸蛋黃，入口咸蛋味齒頰留香，外脆內軟，送酒一流！
同樣地，炸金磚豆腐外脆內軟，滿意.
薯仔牛柳粒味道帶甜，薯仔炒得夠冧夠入味，牛柳粒肉嫩，夾自己喜歡甜味嘅胃口.
四個小菜都出現一個奇怪現像，望上去份量好似不足，但我同小熊都食淨，份量不足只係假像.
沙冰簡直變成主角，首先不論華田呵力定水蜜桃味，味道都超濃郁，沙冰口感又夠綿，質素好過不少甜品屋.
點解咁正嘅沙冰，馬頭圍楚撚記無出售架！
上) 金沙黃金白飯魚 下) 蜜椒薯仔牛柳粒
16 views
0 likes
0 comments
金沙黃金白飯魚
30 views
0 likes
0 comments
七味黃金炸一口金磚豆腐
30 views
0 likes
0 comments
炸蠔餅
20 views
0 likes
0 comments
上) 水蜜桃沙冰 下) 華田呵力沙冰
26 views
0 likes
0 comments
Post
